2 për qind e familjeve shqiptare jetojnë në varfëri ekstreme (nën 4 mijë lekë të ardhura mujore); 19  për qind e familjeve në zonat rurale dhe informale jetojnë me ndihmë ekonomike; në 37 për qind të këtyre familjeve, punon vetëm një anëtar i familjes për të ushqyer gjithë të tjerët. Jo vetëm kaq. Në mbi gjysmën e familjeve shqiptare, buxhetin e kontrollon burri. Është apo ai apo familja e tij që vendos, madje edhe nëse gruaja duhet të punojë dhe nëse po, si do të shpenzohen paratë e saj. Këto nuk janë shifra që vijnë nga Afrika. As nuk janë bërë në vitin 1992. Jo. Janë përfundime të nxjerra nga një studim i mirëfilltë i bërë nga një grup njerëzish të përkushtuar për të drejtat e njeriut dhe mbi të gjitha, për promovimin e të drejtave të grave në Shqipëri. Studimi është bërë nga një ekip i përbashkët shqiptaro-anglez dhe rezultatet u publikuan me rastin e ditës ndërkombëtarë të gruas.